21 траўня ў клюбе «Re:Public» адбудзецца «Свабодны фэст». З нагоды 60-годзьдзя Радыё Свабода дорыць прыхільнікам беларускага року вялікую сьвяточную імпрэзу з удзелам маладых і ўжо добра вядомых беларускамоўных гуртоў.
Хэдлайнэрам фэстывалю стане легендарны беларускі гурт «Крама», таксама выступяць Пётар Клюеў Band, гурты «Hurma», «Haina», «Recha», «Leibonik»
Уваход на «Свабодны фэст» будзе бясплатны. Пачатак а 18-й гадзіне.
Першыя 50 чалавек, якія прыйдуць да пачатку імпрэзы, атрымаюць фірмовыя саколкі, флэшкі ці іншыя падарункі ад Радыё Свабода.
