Дзень беларускай дзіцячай творчасці — гэта свята дзіцячых усмешак, магчымасць прадэманстраваць свае таленты і добра правесці час і адпачыць адначасова!
Мы распрацавалі новы фармат, які ўключае ў сябе мноства забаўляльных актыўнасцяў, вясёлыя анімацыйныя элементы і творчую конкурсную праграму.
Мы пастараліся даць адказ на пытанне «Куды схадзіць разам з дзецьмі?» так, каб гэта было цікава, карысна, пазнавальна і разам з тым бясплатна!
Рэалізацыя дадзенай ідэі стала магчымай дзякуючы нашаму генаральнаму партнёру — сетцы крамаў «Карона». Дзякуем беларускаму бізнэсу, які падтрымлівае беларускую дзіцячую творчасць!
ДЗЕ: Гродна, Канцэртная зала, вул. Дзяржынскага, 1.
КАЛІ: 06.10.2018 (субота), з 12.00 да 18.00.
Вас чакаюць разнастайныя творчыя дзіцячыя актыўнасці. Цэнтральнае месца сярод усіх актыўнасцяў займаюць выступы лепшых дзіцячых калектываў і сольных выступоўцаў з Гродна, якія атрымаюць магчымасць прадэманстраваць свае здольнасці і таленты і выступіць на адной сцэне з мінскімі артыстамі.
Свята суправаджаецца майстар-класамі для дзяцей і дарослых, забавамі, конкурсамі, розыгрышамі прызоў ад генеральнага партнёра свята ГЦ «Карона» ды іншымі цікавосткамі.
Сярод гродзенскіх выканаўцаў будзе праведзены конкурс “Падтрымаем свае таленты!” з прызам глядацкіх сімпатый: госці свята з дапамогай флаера, у якім будуць пазначаныя ўсе канкурсанты, змогуць прагаласаваць за ўпадабанага выканаўцу або калектыў. Па выніках галасавання пераможца атрымае сертыфікат на запіс песні ў прафесійнай студыі гуказапісу (вакальны нумар) або сертыфікат на здымкі відэакліпа (танцавальны або іншы нумар).
Таксама Вас чакаюць выступы артыстаў з Мінска.
Падрабязная праграма мерапрыемства будзе на сайце Prastora.by неўзабаве.
Кантакт для сувязі: +375-29-856-42-01, Міхась Башура.
