Святочны канцэрт гуртоў AKUTE і Разбітае сэрца пацана.

6 сакавіка ў мінскім клубе “Рэпаблік” пройдзе вялікі супольны канцэрт AKUTE і РСП. Абодве каманды адыграюць праграмы, якія будуць мейсціць не толькі старыя, правераныя часам хіты, але і новыя песні, з’явіўшыеся на свет зусім нядаўна.
“Для нас заўсёды была цікавай творчасць РСП, кажа вакаліст гурта AKUTE Станіслаў Мытнік. Прынамсі, адзін з нашых першых канцэртаў у родным Магілёве мы таксама гралі сумесна з імі. Калі нядаўна быў падобны жа выступ, то і мы і хлопцы з РСП былі прыемна ўражаны наколькі яны запомніліся народу яшчэ з тых часоў.”
Дзяніс Тарасенка “РСП”: “Акутэ – гурт, які, безумоўна, заваюе сэрца кожнага меламана, а хутчэй за ўсё, меламаншы, сваімі касмічнымі сугуччамі, гармоніямі і настроем. Пра што спяваюць Акутэ – па вялікім рахунку – не важна, усё зліваецца разам і выносіць нас у свет меланхоліі, цёплых коўдраў, віскі, насмарку і смутнай надзеі на лепшае. Мрачнаватая танцавальнасць прымушае міжволі рухацца ўжо з першых тактаў практычна любой песні. І за ўсім гэтым стаяць трое усмешлівых і жыццярадасных хлопцаў з Магілёва!  Акутэ – наведванне абавязковае!”

Сумесны святочны канцэрт гуртоў AKUTE і Разбітае сэрца пацана пройдзе 6га сакавіка ў мінскім клубе “Рэпаблік”.
Кошт квіткоў:
Квіткі:
180 000 – першыя 100. прома-кошт.
200 000 – астатнія, танцпол.
250 000 месца за столікам + кампакт-дыск у падарунак.

Да канцэрту квіткі могуць падаражаць, таму раім набываць загадзя!

Кропкі продажу:
– клуб Re:public
– пераход Я.Коласа
– kvitki.by, ticketpro.by, kassy.by

Даведкі па тэл. 29 6490888, 29 8517706