Таемны сад Марты: праект візуальнага мастака Георга Ягунова ў дацкім Лізелундзе

Візуальна-ландшафтны праект «Таемны сад Марты» беларуска-дацкага візуальнага мастака Георга Ягунова і пісьменніцы Ніны Кок можна пабачыць у дацкім ландшафтным парку Лізелунд на востраве Мён.

---

Дата: з 1 сакавіка па 30 красавіка

Месца: ландшафтны пакт Лізелунд, востраў Мён, Данія

«Таемны сад Марты» — гэта адмысловае прачытанне пейзажу, заснаванае на гісторыі жыхаркі Лізелунда Марты дэ ла Кальмет. Яна жыла на Лізелунде адна да сваёй смерці ў 1877 годзе і ўсё жыццё даглядала сад, які знік падчас вялікага апоўзня ў 1905 годзе. Але ж яго сляды захаваліся.

Цяпер людзям дазволена наведваць гэты таемны сад. Выдуманыя дзённікавыя нататкі Марты злучаюцца з геалогіяй і міфалогіяй гэтага месца. Так узнікае гісторыя пра тое, як Марта пазнаёмілася з сіламі, што існавалі ў Лізелундзе задоўга да таго, як туды прыйшлі людзі. Праз Марту пейзаж ажывае, яна — пасрэдніца, якая злучае два светы: бачную і нябачную прыроду.

Наведвальнікам прапануецца здзейсніць падарожжа па садзе і пабачыць на маршруце розныя творы мастацтва, а таксама паўдзельнічаць у перформансах.

Георг Ягуноў вырас у Беларусі і жыве ў Капенгагене. Скончыў Дацкую каралеўскую акадэмію мастацтваў у 2011 годзе (магістр медыямастацтва).

Падрабязней аб праекце чытайце па спасылцы.