17 ліпеня беларускі мастак Ігар Цішын прэзентуе ў Варшаве сваю татальную інсталяцыю «Дом, у якiм разлятаюцца сцены. Паміж двума імгненнямі».
Дата: 17 ліпеня
Час: 15.00 (час мясцовы)
Месца: Музей Вольнай Беларусi, ul. Foksal, 11, Варшава
«Дом» разумеецца шырока — не толькі і не столькі як архітэктурнае збудаванне, але і як краіна ў цэлым. Усе фрагменты сцен, інтэр’ераў, самі жыхары гэтай прасторы ўзлятаюць, як ад уздзеяння тагасветнай сілы або стыхійнага бедства.
Мастак прапануе гледачу апынуцца паміж двума імгненнямі — узлёту і прызямлення, — націснуць на кнопку «паўза» і затым — «рэверс», калі абломкі абавязкова збіраюцца ў новы Дом.
Куратарка — Вольга Мжэльская.
Гэтай інсталяцыяй адкрываецца новая беларуская прастора ў Варшаве — Музей Вольнай Беларусi.
Выстава працуе па 17 жніўня.
