Ток-шоу “Ці ўмеюць беларусы дапамагаць? “

26.03.2014 19:00 - 22:00 Крэатыўная прастора “ЦЭХ” (прасп. Незалежнасці, 58, к.6 (праход праз вул. П. Броўкі), дальні пад’езд, 2 паверх) Бясплатнае

26 сакавіка ў крэатыўнай прасторы “ЦЭХ” адбудзецца другі “раунд” высвятлення кампаніяй “Будзьма беларусамі!” стасункаў з культурай. Гэтым разам у цэнтры ўвагі кожны з нас – і той, хто мае патрэбу ў дапамозе, і той, хто здольны дапамагчы.

Беларусь – 93-я. Такое месца адводзіць нашай краіне міжнародная статыстыка па ўзроўні дабрачыннасці. Што гэта значыць? Чаму так адбываецца? І ці варта нешта мяняць?

З аднаго боку, па ўсёй краіне час ад часу дабрачынныя мерапрыемствы адбываюцца. Але яны не збіраюць аншлагаў. З іншага, у экстрэмальных сітуацыях беларусы без прымусу кідаюцца адно аднаму на дапамогу (як, напрыклад, было падчас “Хаўера”).

Наколькі ўласціва беларусам дапамагаць адно аднаму? Ці здольныя мы не проста заўважыць чужую бяду, але і ахвяраваць на дапамогу свой час, сродкі, душэўныя высілкі? Ці мусіць у грамадстве фармавацца культура дабрачыннасці? Як і кім?

Тэма дабрачыннасці пакуль на перыферыі штодзённага жыцця. І таму на чарговым ток-шоу яна будзе вынесеная на калектыўнае абмеркаванне, каб зразумець, ці ёсць дабрачыннасць рысай нацыянальнага характару і крытэрам даросласці нашага грамадства.

Акрамя таго, будуць дыскутавацца і такія пытанні:

Ці ёсць стымулы “тварыць дабро па ўсёй зямлі” ў нашым заканадаўстве?
На карысць ці на шкоду сапраўднай дабрачыннасці піяр?
Што значыць карпаратыўная сацыяльная адказнасць у Беларусі? Якія стандарты, магчымасці і стэрэатыпы маем?
Дабрачыннасць як бізнэс-ідэя. Што спрацоўвае ў нас?
Што, акрамя грошай, трэба ахвяраваць? Якія сферы, дзе стала патрэбная дапамога, “абмінаюцца” ўвагай грамадства?

Эксперты: