Літаратура Гданьск
Канец: 25.11 (21:00)
Dwór Artusa
Цырымонія ўручэння прэміі Гедройця-2023 у Гданьску
Пачатак: 25.11 (19:00)Канец: 25.11 (21:00)
Dwór Artusa
(Гданьск, Długi Targ 43-44)
У суботу, 25 лістапада, стане вядомы пераможца XIІ сезону прэміі імя Ежы Гедройця! Урачыстая цырымонія сёлета адбудзецца ў Гданьску.
Дата: 25 лістапада
Час: 19.00 (час мясцовы)
Месца: Dwór Artusa, Długi Targ 43-44, Гданьск
На цырымоніі выступіць гурт «Relikt», які спалучае ў сваёй творчасці сучасныя музычныя плыні з глыбінным беларускім фальклорам.
Таксама плануюцца літаратурныя сустрэчы:
А 14-й — прэзентацыя кнігі «Алесь Бяляцкі»;
А 16-й — сустрэча з пісьменніцай Святланай Курс (Евай Вежнавец).
Абедзве пройдуць у Гданьскай філіі (Filia Gdańska) па адрасе Mariacka 42.
Нагадаем, сёлета на ўзнагароду прэтэндуюць:
— Алег Дашкевіч з кнігай «З вышыні птушынага палёту»
— Ганна Кандрацюк з кнігай «У прысценку старога лесу. Гісторыі людзей з Белавежскай пушчы»
— Сяргей Лескець з кнігай «Шэпт»
— Іна Снарская з кнігай «Зачараваны скарб»
— Сцяпан Стурэйка з кнігай «Пасажыры карабля Тэсэя»
— Макс Шчур з кнігай «Там, дзе нас няма»
Прэмія імя Ежы Гедройця — найважнейшая незалежная літаратурная ўзнагарода Беларусі, якая ўручаецца 12 год запар.
Уваход вольны. Рэгіструйцеся па спасылцы.
