28 лютага а 16-й гадзіне ў зале выставы В.К. Бялыніцкага-Бірулі, прымеркаванай да яго 145-гадовага юбілею, адбудзецца ўрачыстае гашэнне канверта з маркай, выпушчанай выдавецкім цэнтрам “Марка” Міністэрства сувязі і інфарматызацыі Рэспублікі Беларусь.
Разам з гашэннем канверта з маркай В.К. Бялыніцкага-Бірулі адбудзецца і гашэнне канверта з маркай яго вучня, таксама нашага земляка, мастака А.С. Бархаткова, да 100-гадовага юбілею якога ў музеі адкрыта персанальная выстава.
Выдавецкі праект “В.К. Бялыніцкі-Біруля – А.С. Бархаткоў, настаўнік – вучань” арганічна дапоўніць выставачны праект.
У музейным кіёску можна будзе набыць канверты з маркамі нашых славутых мастакоў-юбіляраў.
