4 чэрвеня Арт-Вандроўня запрашае ўсіх ахвотных у вандроўку па месцах, звязаных з жыццём Станіслава Манюшкі. Вандроўка ладзіцца з нагоды 150-годдзя смерці кампазітара. Вядоўца — музыказнаўца-беларусістка, манюшказнаўца Святлена Немагай.
Дата: 4 чэрвеня
Час: з 8:00
Месца: Міншчына
Маршрут вандроўкі: Менск — Каралішчавічы — Смілавічы — Убель — Чэрвень — Алесіна — Шыпяны — Раткаўшчына — Малыя Ляды — Менск.
Падчас вандроўкі ў смілавіцкім музеі Станіслава Манюшкі адбудзецца канцэрт яго твораў у выкананні Святлены Немагай ды салісткі Беларускай Філармоніі Галіны Сакольнік, а таксама напрыканцы падарожжа ўдзельнікі развучаць некаторыя вядомыя песні кампазітара.
Вандроўка плануецца на вялікім аўтобусе і адбудзецца толькі тады, калі збярэцца дастаковая колькасць людзей (мінімальна 25 чалавек). Выезд у 8-00, вяртанне прыкладна да 21-й гадзіны.
Унёскі на вандроўку з экскурсіяй, канцэртам і квіткамі ў музей Манюшкі — 55 рублёў — наяўнымі ў аўтобусе. Асобна па жаданні аплочваюцца абед і ўваходныя квіткі ў музей-прастору Хаіма Суціна — 8 рублёў (у кошт уключаны кубачак кавы, пры жаданні можна не наведваць).
Запіс і больш падрабязная інфармацыя па спасылцы.
