У панядзелак, 24 кастрычніка, Press Club Belarus ладзіць карысны варкшоп для медыйшчыкаў і не толькі: «Як працаваць з канструктыўным парадкам дня ва ўмовах вайны і рэпрэсій».
Дата: 24 кастрычніка
Час: 17.00 (час варшаўскі)
Месца: анлайн і афлайн па адрасе ul. Noakowskiego, 14, Варшава
Беларуская аўдыторыя трэці год запар чытае, што дна няма. Кожны дзень у фокусе медыяў — рэпрэсіі, масавая эміграцыя і вайна Расіі супраць Украіны, у якую ўцягнута Беларусь.
Такая стратэгія СМІ і зразумелая, і небяспечная. Яна можа адштурнуць аўдыторыю, бо не матывуе на змены, а наадварот, паказвае рэчаіснасць як «нязменна дрэнную».
Разам са спікеркай Ірынай Сідорскай, доктаркай філалагічных навук, шматгадовай загадчыцай кафедры тэхналогій камунікацыі і сувязей з грамадскасцю журфака БДУ (да 2020 года), удзельнікі паспрабуюць знайсці новыя тэмы і фарматы працы з аўдыторыяй. Такія, якія пакажуць, што беларусы не ахвяры, а актыўныя дзеячы, здольныя змяняць жыццё і рэальнасць вакол сябе.
Вось што абмяркуюць:
СМІ не толькі летапісцы, яны могуць канструяваць запыт. Як гэта працуе?
Проста паведамляць аб праблеме ўжо недастаткова. Як перанесці фокус з «выхаду няма» на «выхад побач»? Як медыя могуць стаць паўнапраўнымі ўдзельнікамі рашэння сацыяльных праблем?
«Праблема — гэта тое, што людзі лічаць праблемай». Што такое медыятранзіт і чаму важна не кідаць праблемную тэму на паўдарогі?
Удзел бясплатны, патрэбна толькі зарэгістравацца па спасылцы. Пры рэгістрацыі пазначце, які фармат вам зручны — анлайн ці афлайн.
