Студэнцкае этнаграфічнае таварыства «Поўнач» і праект «Забаўлянкі для Янкі» працягваюць шэраг прыемных сустрэч з маладымі бацькамі, якія маюць намер выгадаваць сваіх дзетак сапраўднымі беларусамі. На гэты раз усіх чакае казачнае падарожжа ў краіну таямнічага тэатральнага мастацтва. Прафесійныя артысты Беларускага тэатра «Лялька» пакажуць, што такое батлейка, і раскажуць, якім чынам яна звязаная са святкаваннем Калядаў і Божага нараджэння.
Імпрэза адбудзецца 18 студзеня (субота), а 12-й гадзіне, у Беларускм тэатры «Лялька» (вуліца Пушкіна, 2). Уваход вольны!
Малыя ўдзельнікі праекту рыхтуюць сюрпрыз – адмысловы невялічкі спектакль. Арганізатары абяцаюць салодкі стол і заклікаюць удзельнікаў прыносіць свае шэдэўры кулінарнага мастацтва. Праект «Забаўлянкі для Янкі» адбываецца ў межах грамадска-культурніцкай кампанія «Будзьма беларусамі!»
