Вілейка. Выстава да 150-годдзя царквы Прападобнай Марыі Егіпецкай
Пачатак: 16.09 (17:30)Канец: 19.09 (17:00)
Вілейскі краязнаўчы музей
У выставачнай зале краязнаўчага музея 16 верасня адбудзецца адкрыццё новай выставы. Прымеркаваная яна да 150-годдзя царквы Прападобнай Марыі Егіпецкай у Вілейцы.
Пачатак – у 17:30.
На выставе прадставяць дакументы з архіваў Беларусі і Літвы, што тычацца будаўніцтва храма, дакументы з архіва вілейскай царквы. Пакажуць унікальныя прадметы культу і царкоўныя рызы канца 19 – пачатку 20 стагоддзя. Таксама наведнікі пабачаць вялікую калекцыя фотаздымкаў царквы розных часоў.
– Усе прадстаўленыя на выставе дакументы і прадметы культу ўнікальныя і шырокай публіцы будуць прадстаўленыя ўпершыню, – падкрэсліў дырэктар краязнаўчага музея Сяргей Ганчар.
Асобным раздзелам пакажуць прадметы і дакументы з найбольш старажытных храмаў Вілейшчыны.
На адкрыцце выставы запрашаюць ўсіх ахвотных. Уваход вольны.
А на 19 верасня ў Вілейцы намечаныя ўрачыстасці, прысвечаныя 150-годдзю царквы.
Паводле папярэдняй інфармацыі пачатак запланаваны на 8:45 – сустрэчай у храме мітрапаліта Мінскага і Заслаўскага Паўла, Патрыяршага экзарха ўсяе Беларусі. Потым пройдуць святочнае набажэнства і адкрыццё дома духоўнай асветы.
У 14:30 адбудзецца святочны канцэрт у Палацы культуры. Там жа пройдуць розныя выставы.
