У суботу, 20 жніўня, віцебскі прытулак для жывёл «Добрык» святкуе Дзень народзінаў і запрашае ўсіх на дабрачынную імпрэзу.
Дата: 20 жніўня
Час: з 11.00 да 14.00
Месца: прытулак для жывёл «Добрык», Старабабінавіцкі тракт, 29, Віцебск
Будзе дзіцячая суперпраграма:
дзіцячая дыскатэка ад дыджэяў Loud Crowd,
пазнавальныя гульні ад гарадской ДАІ;
шоў мыльных бурбалак;
забавы з роставымі лялькамі;
аквагрым;
віктарына з прызамі;
майстар-класы;
кірмаш;
бяспройгрышная латарэя і шмат што іншае.
На свяце вы зможаце пазнаёміцца з гадаванцамі прытулка і выбраць сабе ўпадабанага сябра, каб падарыць яму дом. Для гэтага вазьміце з сабой пашпарт, павадок і ашыйнік для сабак, пераноску для шчанюкоў і катоў.
На свяце будзе выязны гандаль прадуктамі (крупа, макароны, курыныя паўфабрыкаты), якія можна набыць, каб павіншаваць прытулак з народзінамі.
Уваход вольны!
