У суботу, 30 кастрычніка, беларусы Варшавы сустрэнуцца ў Жалібожы, каб ушанаваць памяць продкаў, такім чынам, як гэта было раней: спевам, танцамі і народнымі абрадамі.

---

Выступяць польскія і беларускія музычныя і танцавальныя калектывы, а таксама калектывы, якія займаюцца перформансамі і выяўленчым мастацтвам.

У рамках гэтага адкрытага для ўсіх жыхароў Варшавы мерапрыемства арганізатары разлічваюць ініцыяваць нефармальную інтэграцыю Беларускай абшчыны ў Варшаве, наладзіць супрацоўніцтва польскіх і беларускіх мастакоў і пазнаёміць жыхароў Варшавы з іх творчасцю.

У ПРАГРАМЕ:

- супольныя спевы a cappella: польскі гурт традыцыйных спеваў Stara Śpiewka і польска-беларуская група Jasakara

- танец з Wachlarzami Bojowymi

- выступленне піяніста Максіма Дарошкі

- пастаноўка абраду Восеньскія Дзяды — Lesza Ślężyńska

- стварэнне месца памяці — мапы, на якой будуць пазначаныя месцы паходжанняў нашых продкаў

Мерапрыемства реалізавана Аланай Айворы. Музычная аранжыроўка — Аляксандра Шчарбакова.

Падчас мерапрыемтсва рэкамендуецца прытрымлівацца правілаў «zero waste», таму лепш прынесці свае ўласныя кубкі.

Да арганізацыі мерапрыемства можа далучыцца кожны ахвочы. Акрамя таго, дапамога спатрэбіцца і непасрэдна ў дзень мерапрыемства, каб усё падрыхтаваць і прыбраць пасля завяршэння імпрэзы.

Восеньскія Дзяды — гэта суседская імпрэза, дзе можа паўдзельнічаць кожны.

Пачатак а 18:00, Centrum Lokalne Żoliborz

Падзея ў Фэйсбук