• budzma.org
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Гісторыя
  • Літаратура
  • «Музыка»
  • Гатуем з «Будзьма!»
  • «Гісторыя за 5 хвілін»
  • «Трызуб і Пагоня»
  • «Разумняты»
  • Вандруем разам
  • Афіша

АФІША

Літаратура Мінск

Вянок дружбы: Арменія

Пачатак: 07.04 (16:00)
Канец: 07.04 (16:00)
Літаратурны музей Максіма Багдановіча
(Мінск, вул. Багдановіча, 7а)
Кошт: Уваход вольны
Google

Літаратурны музей Максіма Багдановіча распачынае новы праект – “Вянок дружбы”.

Вянок – спляценне кветак, стварэнне непаўторнага ўзору, новага вобраза. “Засушыў я на паперы краскі, свежыя калісьці, думак шчырых і чуцця.” – пісаў Максім Багдановіч у эпіграфе да зборніка вершаў “Вянок”. Кожная краска-кветка мае свой непаўторны водар, свой характар. Так і ў кожнага народа свая адметная культура, традыцыя, звычаі. У межах праекта “Вянок дружбы” мы будзем знаёміцца з адметнасцямі розных народаў і краін. У тым ліку тых, хто на працягу ўжо многіх стагоддзяў жыве на беларускай зямлі, чые традыцыі сталі элементам нашай культуры, і наадварот апынуліся пад уплывам беларускага каларыту.

Распачынаем серыю сустрэч са знаёмства з Арменіяй. Першую сустрэчу зладзім сумесна з Мінскім гарадскім армянскім культурна-асветніцкім таварыствам “Айастан”.

7 красавіка армянскі народ адзначае нацыянальнае свята – Дзень мацярынства і прыгажосці, які супадае з Дабравешчаннем Прасвятой Багародзіцы. Гэтае свята – яскравы прыклад яднання хрысціянскай традыцыі з нацыянальнай культурай у паўсядзённым жыцці. Менавіта ў гэты дзень у Арменіі завяршаецца “Месяц ушанавання жанчын”: гучаць віншаванні і словы падзякі матулям, родным і каханым жанчынам.

7 красавіка а 16-й гадзіне запрашаем вас на музычна-забаўляльную і пазнавальную праграму “Вянок дружбы: Арменія”!

У межах сустрэчы вас чакаюць майстар-класы па вырабе традыцыйнага армянскага хач астха, расповеды пра гісторыю, культуру, мову, літаратуру, танцавальныя і спеўныя выступы ад выкладчыкаў і навучэнцаў Мінскай аднадзённай  Армянскай школы. А таксама расповед пра нацыянальны строй і традыцыйныя рамёствы, гульня ў нарды, танцавальны майстар-клас і флэшмоб.

Са скарбніц музея ўсяго толькі на адзін дзень будзе выстаўлены на экспрэс-выставе арыгінальны слуцкі пояс: як вядома, да вытворчасці слуцкіх паясоў спрычыніліся прадстаўнікі армянскага народу.

У мерапрыемстве возьмуць удзел вакальна-танцавальны ансамбль “Наири”, Карінэ Дрнаян, музычны праект “BON Voyage”, армянскі фальклорны танцавальны ансамбль “Эребуни”.

Запрашаем прыходзіць усёй сям’ёй! Для маленькіх наведвальнікаў будзе працаваць адмысловая пляцоўка з гульнямі, мультфільмамі ды іншымі забавамі.

Дэталі і падрабязная праграма мерапрыемства на нашых старонках у сацыяльных сетках: Вконтакте і Facebook.

Месца правядзення: Літаратурны музей Максіма Багдановіча (г.Мінск, вул. М.Багдановіча, 7А  – Траецкае прадмесце).

Дата і час: 7 красавіка, 16.00. Уваход вольны.

Даведкі па тэлефонах: (8 017) 334-07-61, (8 017) 334-42-69.


« Папярэдняя падзея
Наступная падзея »

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: [email protected]

Папулярнае

    • У мастачкі Нікі Сандрас здарылася кровазліццё ў мозг. Ёй патрэбна дапамога
    • Ведаеце, на якой мове насамрэч размаўлялі ў Беларусі ў канцы 18 стагоддзя?
    • Як, дзе і калі беларусы свету будуць адзначаць Дзень Волі
    • Ва Украіне з’явіўся сайт пра тое, чаму ў Беларусі ўсё так і беларусы такія
    • Адкуль мы ўзяліся: 7 кніг пра нашу гісторыю
© Грамадская культурніцкая кампанія «Будьма беларусамі!», 2008-2019.
Логотип