Каманда сайта adukacyja.info запрашае ўсіх зацікаўленых і апантаных Вялікабрытаніяй на чарговую Веды-паці, тэма якой – навучанне ў Брытаніі.
Паўсюль толькі і размоў пра Брытанію, і Adukacyja.info не адстае ад сусветнага трэнду. Канешне ж, мы за непарушныя брытанскія каштоўнасці: адукацыю, мову, традыцыі і наогул за ўсё тое, за што свет так любіць гэтую інтэлігентную краіну. Настаў час Веды-паці.British edition!
Завітвайце да нас у Траецкае прадмесце 13 ліпеня а 19:00 у Музей Максіма Багдановіча (вул. М.Багдановіча 7а). Уваход вольны!
Там вас будуць чакаць:
- расповед ад Амбасады Велікабрытаніі ў Мінску пра фантастычныя стыпендыі Брытанскага ўрада;
- унікальны досвед выпускнікоў брытанскіх універаў;
- брытанскія традыцыі;
- прыгажосць ангельскай мовы і пераадольванне страху перад экзаменам IELTS ад International House;
- нечаканыя забавы;
- і, натуральна, ангельская гарбата!
Што рабіць вечарам у сераду? Без сумневаў, наведаць Веды-паці Брытанія ад Адукацыі.Інфо!
