З 14 лютага па 11 сакавіка 2018 года ў Нацыянальным мастацкім музеі Рэспублікі Беларусь будзе экспанавацца выстава графічных твораў Анатоля Вячаслававіча Александровіча (1953–2017) “Паміж словам і вобразам”. На выставе будуць прадстаўлены малюнкі і афорты са збораў Нацыянальнага мастацкага музея Рэспублікі Беларусь, Дзяржаўнага літаратурнага музея Янкі Купалы, Дзяржаўнага літаратурна-мемарыяльнага музея Якуба Коласа, з калекцыі сям’і мастака.
Экспазіцыя выставы дэманструе высокае майстэрства А.В. Александровіча ў розных відах графікі – станковай і кніжнай. Асаблівая цікавасць мастака да апошняй выявілася ў шматлікіх аркушах, створаных па матывах літаратурных твораў і непасрэдна кніжнай ілюстрацыі.
Урачыстае адкрыццё выставы адбудзецца 13 лютага 2018 года а 17-й гадзіне.
