30 чэрвеня ў Мінску адкрываецца выстава Анатоля Кузняцова «Паміж белым і чорным», прымеркаваная да 75-годдзя мастака.
Дата: 30 чэрвеня
Час: 18.00
Месца: Палац мастацтваў, вул. Казлова, 3, Мінск
«Паміж белым і чорным» — так называецца новая серыя работ мастака. У адрозненне ад папярэдніх карцін Анатоля Кузняцова, пабудаваных на кідкай экспрэсіі, у новых творах пануе нешматслоўе колеру і ўвага да ўнутранага руху ў прасторы палатна.
Не, колер, безумоўна, прысутнічае ў яго работах. Але нечаканыя акцэнты сініх, чырвоных, аранжавых не перашкаджаюць адценням шэрага і чорнага.
Так Анатоль Кузняцоў разгортвае ў сваіх абстрактных працах складаныя разважанні пра сутнасць сённяшняга мастацтва.
Выстава працуе да 24 ліпеня.