У чацвер, 11 красавіка, у галерэі ДК адкрываецца выстава Антона Тызенгаўза «Ва ўнутранай кішэні».
Дата: 11 красавіка
Час: 19.00
Месца: галерэя ДК, вул. Герцэна, 2а, Мінск
Чаму нам сняцца сны?
Ці існуе пакой, калі мы не знаходзімся ў ім?
Як пераканацца, што мы бачым колеры гэтак жа, як іншыя людзі?
Ці рэальнае наша жыццё ці гэта ўсё большая галюцынацыя?
Куды ідзе думка, калі пра яе забываюцца?
Рэфлексаваць на гэтыя пытанні можна датуль, пакуль яны не звядуць з глузду.
Мастак звяртаецца да тэмы дзяцінства, ахопліваючы тэрыторыю яркай выяўленчасці і канцэптуальнага мастацтва, спалучаючы розныя матэрыялы і тэхнікі ў сваіх карцінах.
Выкарыстоўваючы кантрасныя выявы, яркія фарбы, дзіцячыя цацкі або выпадковыя прадметы, аўтар вырывае гледача з заканамернага патоку жыцця.
Звяртаецца да ўспамінаў з мінулага, фантазій пра будучыню, разважаючы на філасофскія тэмы.
Выстава працуе да 5 траўня.
Уваход — па квітку ў галерэю.
