17 жніўня а 19-й у галерэі Саюза дызайнераў пад джаз, блюз, клезмерскую музыку і вершы Леаніда Дынерштэйна адкрываецца дэбютная выстава «Мінск да мяне» віяланчэліста Багдана Даўгялы.
Дата: 17 жніўня
Час: 19.00
Месца: галерэя Саюза дызайнераў, вул. Брылеўская, 14, Мінск
Музыкі і меламаны чулі гэтае імя. Ён канцэртуе з аркестрам капэлы «Санорус», квартэтам Акадэміі навук і студэнцкім сімфанічным аркестрам.
Упершыню спадар Багдан адважыўся выйсці да гледача са сваёй арыгінальнай графікай. Галоўны герой ягоных густанаселеных карцін — горад. Часцей за ўсё Мінск з сваіх дзіцячых уражанняў і чужых вельмі дарослых успамінаў. Аўтар ні ў чым сабе не адмаўляе і робіць Мінск планетарным.
Прыходзьце сагрэцца, усміхнуцца і знайсці на карцінах абавязкова і сябе.
Куратарка выставы — Ларыса Фінкельштэйн.
Кіраўніца — Марына Шаліма.
Паэзія на вернісажы — Леанід Дынерштэйн.
Музыка на вернісажы: Павел Казак (саксафон альт), Святаслаў Рачэўскі (скрыпка), Багдан Даўгяла (віяланчэль), Віктар Пузыня (кларнет), Іван Шанцаў (гітара).
Уваход на адкрыццё вольны.
