Выстава “Colorfest”

19 чэрвеня 2012 года а 16 гадзіне ў галерэі “Ракурс” Нацыянальнай бібліятэкі Беларусі (прасп. Незалежнасці, 116, 2-гі паверх) адбудзецца ўрачыстае адкрыццё ІІІ Мінскай міжнароднай біенале сучаснага жывапісу “COLORFEST”.

Мэта Мінскай міжнароднай біенале сучаснага мастацтва “Colorfest” – садзейнічаць стварэнню станоўчага іміджу Беларусі на еўрапейскім мастацкім полі, падтрымліваць жывапіс і аўтараў, якія ствараюць інавацыйныя работы.

Міжнародная біенале сучаснага жывапісу будзе праходзіць ужо трэці раз. У ёй прымуць удзел мастакі Украіны, Беларусі, Эстоніі, Малдовы, Латвіі, Літвы і Палесціны. Ганаровы госць біенале – Венесуэла. Аргкамітэт біенале выказвае спадзяванні, што яе правядзенне паспрыяе наладжванню творчых кантактаў і сяброўскіх сувязяў, далейшаму пашырэнню міжнароднага культурнага аўтарытэту Беларусі. Але, найперш, біенале з’явіцца дэманстрацыяй найноўшых стратэгій і тактык сучаснага жывапісу, тых відавочных змен, што пад уплывам штодзённай рэчаіснасці адбываюцца ў гэтым традыцыйным відзе мастацтва.

У межах праекта плануецца арганізаваць конкурс сярод удзельнікаў біенале, а таксама выстаўку работ літоўскіх мастакоў Т. Рудокаса і Д. Рудокене, якая пройдзе ў галерэі «Панарама» (22-гі паверх).

Біенале працягнецца да 10 верасня.

Кантактныя тэл.: 293-27-67, 293-28-23.
E-mail: pr@nlb.by