закрыць
Выставы

Выстава да 85-годдзя з дня нараджэння Генадзя Бураўкіна

30.09.2021 - 14.11.2021 10:00 - 17:00 (вул.Ніжне-Пакроўская, 22) Бясплатнае

З 28 жніўня па 14 лістапада ў Музеі беларускага кнігадрукавання будзе працаваць выстава, прысвечаная жыццю і дзейнасці беларускага паэта, журналіста і грамадскага дзеяча Генадзя Бураўкіна з нагоды яго 85-гадовага юбілею.

Лёс гэтага чалавека непасрэдна звязаны з Полацкам, які стаў яму найдаражэйшым месцам на ўсё жыццё і якому не раз ён прысвячаў свае вершы. Бо менавіта з Полацка, куды сям’я паэта пераехала з Расоншчыны, бярэ пачатак літаратурная творчасць Генадзя Бураўкіна.

Лірыка Г. Бураўкіна напоўненая шчырасцю і сардэчнасцю, таму нездарма на многія вершы паэта напісаны шмат папулярных песень: «Зачарованая мая», «Белы снег», «Малітва» і іншыя. «Калыханку» ж на словы Генадзя Мікалаевіча кожны вечар па тэлебачанні пяюць маленькім беларусам.

Нельга не адзначыць актыўную грамадскую і дзяржаўную дзейнасць Г. Бураўкіна на розных пасадах: старшыні Дзяржкамітэта БССР па тэлебачанні і радыёвяшчанні, дэпутата Вярхоўнага Савета БССР, пастаяннага прадстаўніка Беларусі ў ААН, намесніка міністра культуры, старшыні Таварыства беларускай мовы імя Ф. Скарыны і інш.

На выставе будуць прадстаўлены разнастайныя выданні, прадметы, фотаздымкі з фондаў Нацыянальнага Полацкага гісторыка-культурнага музея-запаведніка, а таксама з асабістага збору сям’і Бураўкіных.

дадаць у google каляндар

Вам можа быць цікава

Выстава «Вечная жаноцкасць» у Мінску

13.06.2025 18:00 - 24.08.2025 20:00 галерэя «Арт-Беларусь» (вул. Казлова, 3)
Мінск Выставы

Renaissance Party ў Мінску

13.07.2025 (12:00 - 21:00) Нацыянальны цэнтр сучасных мастацтваў (пр-т Незалежнасці, 47)
Мінск Выставы Іншае Вечарыны

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org