У чацвер, 9 лістапада а 18-й, у музеі Максіма Багдановіча адкрываецца выстава «Два Паэты, два Сусветы...», прысвечаная 110-годдзю зборніка вершаў Максіма Багдановіча і дню народзінаў Якуба Коласа.
Дата: 9 лістапада
Час: 18.00
Месца: музей Максіма Багдановіча, вул. Багдановіча, 7а, Мінск
Пры ўсіх адрозненнях у падыходзе да паэзіі, у творчасці Максіма Багдановіча і Якуба Коласа прасочваюцца роднасныя матывы і боль за лёс беларускага краю.
Не менш цікава аналізаваць суадносіны эпічнага і прыватнага ў творчасці выдатных паэтаў, розныя спосабы мыслення.
Акрамя першых прыжыццёвых кніг паэтаў, тут можна пабачыць графік беларускіх мастакоў — ілюстрацыі Васіля Шаранговіча, Антаніны Лапіцкай, Анатоля Александровіча, Генадзя Грака як візуальнае ўвасабленне беларускага слова.
Выстава ладзіцца сумесна з музеем Якуба Коласа і працуе па 8 студзеня.
