Выстава “Дыялог пакаленняў. Беларускія мастачкі” ў Берліне

Беларускія мастачкі Васіліса Паляніна, Каця Смурага, Таццяна Ткачова, Аксана Веніамінава разам з падборкай з архіва беларускай аматарскай фатаграфіі «VEHA», які ініцыявала Леся Пчолка, — усё гэта калектыўная выстава «Дыялог пакаленняў» у Берліне. Куратары: Мая Хрыстава і Яўген Роппель.

Дата: з 10 лютага па 16 сакавіка

Месца: галерэя «KVOST», Leipziger Straße 47 / Eingang Jerusalemer Straße, Берлін

KVOST і EEP, дзве берлінскія арганізацыі, якія падтрымліваюць усходнееўрапейскае мастацтва, прадстаўляюць выставу, на якой куратары Мая Хрыстава і Еўгені Ропель даследуюць беларускія візуальныя коды запамінання і структуравання ведаў.

Разгортваючыся ў форме дыялогу пакаленняў праз фотаздымкі, гэтае даследаванне дапаможа глыбей зразумець беларускую сучаснасць праз бачанне яе дзеючых асоб — мастачак, якія ў сваёй творчасці перасягнулі свой асабісты досвед перажывання вырашальнага моманту гісторыі сваёй краіны.

Што прымушае нас лічыць адну культуру роднай, а іншую — экзатычнай? Захапіцца адным і пакласці іншае ў шуфлядку? Выйсці за межы стэрэатыпнага вобразу Беларусі, якую СМІ прадстаўляюць проста як чарговую дзяржаву-няўдачніцу ці апошнюю дыктатуру Еўропы, надзвычай актуальна, калі мы ведаем, што рэальная сітуацыя ў Беларусі — гэта масавыя пратэсты і палітвязні, замоўчванне, збіццё, выкраданні і катаванні грамадзян.

 Новае пакаленне беларускіх мастакоў набыло моц інкапсуляваць і перакладаць амбівалентнасць гістарычнага маўчання ў творы мастацтва. Для многіх з іх разважаць пра мінулае часта азначае пераасэнсаванне і аднаўленне парушанага дыялогу з уласнай гісторыяй. Аднаўленне і вывучэнне адсутных частак калектыўнай памяці часта выкрывае наўмысную цэнзуру сучаснасці.