У суботу, 21 снежня, у Музеі Вольнай Беларусі адкрываецца выстава Кацярыны Ваданосавай «Строй».
Дата: 21 снежня
Час: 17.00 (час мясцовы)
Месца: Музей Вольнай Беларусі, Foksal 11, Варшава
Выстава прадставіць 14 рэканструкцый строяў з перыяду ад ХІ да пачатку XX стагоддзя. Сярод іх — і адзенне полацкай княгіні, і юнай каралевы Боны, і шляхцянкі часоў паўстання 1863-1864 гадоў, і строі беларускіх сялян.
Усе строі створаны ўручную з выкарыстаннем аўтэнтычных тэхнік і матэрыялаў: залататканых стужак, вязаных карункаў, вышытых кашуль, гарсэтаў і крыналінаў.
Падчас адкрыцця спадарыня Кацярына правядзе экскурсію па выставе.
Будзе і канцэрт.
Удзел бяруць:
Кацярына Ваданосава — вакал, духавыя;
Стэфанія Ваданосава — вакал, скрыпка;
Ігар Палынскі — гітара;
Аляксандра Канафальская — пескаграфія.
Працуе выстава да 19 студзеня.
Уваход вольны.
