Выстава «Літаратурны мапінг Вільні і Менска» ў Вільні
01.09.2025 - 07.09.2025
18:30 - 19:00
Віленскі беларускі музей імя Івана Луцкевіча (Vilniaus, 20)
Бясплатнае
У панядзелак, 1 верасня, у Віленскім беларускім музеі імя Луцкевіча распачынаецца Тыдзень беларускай культуры.
У гэты дзень адкрываецца адмысловая выстава «Літаратурны мапінг Вільні і Менска».
Прастора музея ператворыцца ў мапу двух гарадоў — Менска і Вільні, — звязаных жыццём і творчасцю беларускіх літаратараў.
Вы патрапіце ў імерсіўны свет, дзе можна ўбачыць дамы, кавярні, бібліятэкі, дзе нараджаліся тэксты, пачуць гукі старога гораду, адчыняць акенцы і дзверы з таямніцамі. Гэта будзе сэнсарны шлях — візуал, гукі, інтарактывы, прадметы, да якіх можна дакрануцца. Адкрываем для сябе літаратуру, дадаем свае мары і ўспаміны.
Вас чакае:
- дзве вялізныя мапы Вільні і Менска (з мадэлямі рэальных дамоў, pop-up вакенцамі і дзвярыма, нават з «дамамі-прывідамі»);
- сапраўдныя экспанаты з калекцый музея, якія рэдка паказваюць;
- шмат літаратурных цікавінак на мапах;
- гукі старога горада;
- вялікі аркуш, дзе кожны пакіне свой верш ці думку.
Абавязкова захапіце мабільнікі з QR-сканэрамі, каб расшыфраваць схаваныя гісторыі!
Для дзетак будзе LEGO-зона (будуем свой горад) і квэст з «пашпартам старога гораду».
А ў 18.30 адбудзецца лекцыя і куратарская экскурсія гісторыка Паўліны Скурко «Ляцім над гарадамі».
Працуе выстава да 7 верасня.
Уваход вольны, за данаты падзякуюць.
