У сераду, 19 ліпеня, беларускі арт-праект «Revolution» адкрывае ў Варшаве выставу «Mind Over Matter», прысвечаную пытанням псіхічнага здароўя, псіхічных захворванняў і стыгмы, звязанай з гэтымі тэмамі ў грамадстве.
Дата: 19 ліпеня
Час: 19.00 (час мясцовы)
Месца: Staromiejski Dom Kultury, Rynek Starego Miasta 2, Варшава
Мастачкі з Беларусі і Польшчы Даша Бубен, Ксенія Свірыд, Міхаліна Танская, Юлія Варановіч, Марыя Петрас праз мастацтва зламаюць крышачку вашых стэрэатыпаў. Новы фільм праекта «МБК-11» і аўдыёспектакль радыё «Капітал» дазволяць паглыбіцца ў тэму.
Гэта адзін з самых асабістых фільмаў праекта, бо ўдзельнікі здымачнай групы падзяліліся сваім досведам барацьбы з трывогай, дэпрэсіяй, расстройствамі харчовай паводзінаў і прыступамі панікі.
Выставу можна паглядзець па 26 ліпеня з 9.00 да 22.00 (субота 12.00-18.00, нядзеля — выходны).
