У Міжнародны дзень музеяў запрашаем наведаць адкрыццё выставы, прысвечанай рамяству шапавалаў, якое ўключана ў спіс нематэрыяльнай спадчыны Беларусі.
Выстава “Падняпроўскае шапавальства” працягвае азнаямленне наведвальнікаў музея з промысламі і рамёствамі беларусаў, адлюстраванне якіх у музейнай экспазіцыі стала практыкай, адным з накірункаў яе развіцця і ўзбагачэння.
На выстаўцы вы зможаце ўбачыць памяшканне для ўтрымання авечак, паветку з унікальнай машынай-воўначоскай, майстэрню шапавала з поўным камплектам прыладаў для працы. У клеці і хаце помніка можна пабачыць гатовыя вырабы з воўны: валёнкі, верхняе адзенне, шапкі-магеркі. Падчас мерапрыемства ўсе жадаючыя змогуць паўдзельнічаць у майстар-класе па дэкаратыўнаму “сухому валянню”.
Запрашаем наведаць выставу!
( Помнік архітэктуры “Вяночны двор з вёскі Бракава Слабада Чавускага раёна”)
Дадатковая інфармацыя – www.etna.by
