У пятніцу, 11 кастрычніка, у музеі Якуба Коласа адкрываецца выстава «Космас — наш!», прысвечаная творчасці Язэпа Драздовіча.
Дата: 11 кастрычніка
Час: 17.00
Месца: музей Якуба Коласа, вул. Акадэмічная, 5, Мінск
Язэп Драздовіч першы з беларускіх мастакоў звяртаецца да тэмы космаса і прагу да касмічных глыбінь сусвету Драздовіч праносіць праз усё жыццё.
У сталыя гады паралельна з касмічнымі творамі Драздовіч будзе займацца аздабленнем сялянскіх хацін маляванымі дыванамі.
На выставе, падрыхтаванай сумесна з Гісторыка-культурным музеем-запаведнікам «Заслаўе» і Цэнтральнай навуковай бібліятэкай імя Коласа НАН РБ, можна пабачыць маляванкі, карціны, рукапісы Драздовіча, фальклорныя сшыткі Якуба Коласа.
Падчас адкрыцця вас чакае куратарская экскурсія па выставе.
