У суботу, 18 сакавіка, у галерэі «Maenad Collective» адкрываецца выстава арт-суполкі Antiwarcoalition.art «SOVEREIGNTY REIMAGINED» аб сэнсе суверэнітэту. Ладзіцца яна ў падтрымку Украіны.
Дата: з 18 па 24 сакавіка
Месца: галерэя «Maenad Collective», 46-55 Metropolitan Ave, Suite 305 Ridgewood NY
Міжнародная каманда мастакоў, сярод якіх ёсць і беларусы, запрашае задумацца над шэрагам пытанняў: Што такое суверэнітэт? Што можна даведацца, калі пераасэнсаваць гэты шматгранны тэрмін?
Артысты факусуюцца на тэмах канфліктаў, траўм, дэмілітарызацыі, палітыкі памяці і не толькі.
Атрыманыя сродкі перададуць у фонд дапамогі бежанцам, а таксама на падтрымку каманды куратараў і галерэі.
Выстава працуе па 24 сакавіка.
