Выстава «Terragraphica: Sacrum» у Мінску
21.03.2024 - 21.04.2024
18:00 - 20:00
Палац мастацтваў (вул. Казлова, 3)
Бясплатнае
У чацвер, 21 сакавіка а 18-й, у Палацы мастацтваў адкрываецца выстава «Terragraphica: Sacrum».
Дата: 21 сакавіка
Час: 18.00
Месца: Палац мастацтваў, вул. Казлова, 3, Мінск
Выстава ахоплівае шырокі пласт чалавечага ўяўлення аб уладкаванні Сусвету. Праз міфы, легенды, духоўныя практыкі і рэлігіі мы прыходзім да сакральнага сэнсу.
Сакральнае мастацтва — гэта не экзістэнцыйная спрэчка аб паходжанні свету і сутнасці светабудовы, а хутчэй спроба канкрэтнага мастака даць адказ на вечныя пытанні аб прыродзе дабра і зла, граху і дабрадзейнасці.
Шматлікія героі твораў не маюць адназначнай адзнакі і з’яўляюцца персанажамі, якія сутыкаюцца з праблемай сталага выбару і балансаванні на грані правільнага рашэння і фатальнай памылкі.
Экспазіцыя ўключае больш за 600 твораў тыражнай (афорт, ксілаграфія, літаграфія) і арыгінальнай графікі. Біблейскія сюжэты Леанара Гацье 1570-х гадоў дапаўняюцца Бібліяй, праілюстраванай Сальвадорам Далі (105 літаграфій).
Подзвігі Геракла прадстаўлены літаграфіямі Осіпа Цадкіна і афортамі Юліяна Ёрданава.
І вядома, асабняком стаіць Марк Шагал, для якога сакральная тэматыка з’яўляецца асновай усёй творчасці. На выставе Шагал прадстаўлены некалькімі серыямі: 3 серыі ілюстрацый да Бібліі, Кніга Зыходу (24 літа-графіі) і Калена Ізраіля (12 літаграфій).
Выставачны праект «Terragraphica: Sacrum» ахоплівае пяць стагоддзяў развіцця графічнага мастацтва і ўключае работы найярчэйшых прадстаўнікоў Еўрапейскіх графічных школ, такіх мастакоў, як Гюстаў Дарэ, Лукас Востэрман, Ота Дыкс, Альбін Бруноўскі, Хрысто Кэрын, Лембіт Лыхмус, Караль Фелікс, Марына Рыхтэрава і інш.
А яшчэ прэзентуе беларускую школу графікі і творы Валерыя Славука, Льва Алімава, Аляксандра Шапо, Фёдара Шурмелева, Усевалада Швайбы і інш.
Куратар — Аляксандр Зінкевіч.
Выстава працуе да 21 красавіка.
