З 23 снежня 2016 года па 23 студзеня 2017 года ў Нацыянальным мастацкім музеі Рэспублікі Беларусь будзе экспанавацца выстава твораў Юрыя Аляксандравіча Карачуна (1931–1997),прысвечаная 85-годдзю з дня нараджэння мастака.
Ю.А. Карачун – мастацтвазнаўца, мастак (працаваў у станковай і кніжнай графіцы), выкладчык, заслужаны дзеяч мастацтваў Беларусі, дырэктар Нацыянальнага мастацкага музея Рэспублікі Беларусь з 1977 па 1997 г. У экспазіцыі будзе прадстаўлена каля 40 твораў графікі з калекцыі сям’і мастакаі са збору Нацыянальнага мастацкага музея Рэспублікі Беларусь.
Урачыстае адкрыццё выставы адбудзецца 27 снежня 2016 года а 17-й гадзіне.
