Сёння ўвечары, 1 лістапада а 17-й, у галерэі «Універсітэт культуры» адкрываецца выстава акварэляў Яны Сурмачэўскай «Распраў крылы».
Дата і час: 1 лістапада ў 17.00
Месца: галерэя «Універстэт культуры», Кастрычніцкая плошча, 1 (Палац Рэспублікі), Мінск
У экспазіцыі — творы, прысвечаныя птушкам Беларусі.
Акварэль, як лічыць мастачка, як мага лепш падыходзіць для тэмы птушынага свету.
Лёгкія, мяккія фарбы на паперы дакладна адлюстроўваюць хуткія, дынамічныя, раптоўныя, спрытныя рухі пернатых сяброў.
У залежнасці ад характару і выгляду птушкі, аўтарка выбірае тэхніку: акварэль па-мокраму, ала-прыма, лесіроўкамі, акварэльная графіка і гэтак далей.
Працу над серыей акварэлі «Птушкі Беларусі» спадарыня Яна пачала ў 2019 годзе. Сёння ў цыкле налічваецца каля 60 карцін.
Мастачка мае мэту адлюстраваць усіх птушак Беларусі — 337 відаў.
Выстава будзе працаваць па 18 лістапада.
Уваход вольны.
