У сераду, 5 чэрвеня, у Мастацкім музеі адкрываецца выстава «Юдэль Пэн і Якаў Кругер. Мастацкія школы Беларусі».
Дата: 5 чэрвеня
Час: 17.00
Месца: Нацыянальны мастацкі музей (выставачны корпус), вул. К. Маркса, 24, Мінск
Сёлета спаўняецца 170 гадоў з дня нараджэння мастака Юдэля Пэна і 155 гадоў з дня нараджэння Якава Кругера, мастакоў-педагогаў, заснавальнікаў прафесійнай мастацкай адукацыі на тэрыторыі сучаснай Беларусі, заснавальнікаў прыватных школ малюнка і жывапісу ў Віцебску і Мінску.
Першая частка экспазіцыі адлюстроўвае творчую спадчыну мастакоў, а другая частка — творы цэлай плеяды іх вучняў: Марка Шагала, Восіпа Цадкіна, Давіда Якерсона, Алены Кабішчэр-Якерсон, Саламона Гершова, Яфіма Раяка, Льва Зевіна, Заіра Азгура, Саламона Юдовіна, Льва Лейтмана, Лазара Рана, Ісака Бароўскага, Пятра Явіча, Мішэля Кікоіна, Міхася Станюты, Ісака Мільчына і іншых — прадстаўнікоў самых розных мастацкіх плыняў і напрамкаў, якія стварылі партрэт нацыянальнай мастацкай школы Беларусі.
Выстава працуе па 18 жніўня.
