25 сакавіка філіял Веткаўскага музея ў Гомелі адкрывае новую выставу, прысвечаную майстэрству залачонай разьбы па дрэве.
Дата: 25 сакавіка
Час: 16.00
Месца: філіял Веткаўскага музея, пл. Леніна, 4а, Гомель
Выстава раскрывае творчасць слыннага майстра разьбы па дрэве Пятра Іванавіча Кастылёва.
Пётр Кастылёў быў майстрам-кіётнікам, рабіў разьбяныя рамы на іконы, выразаў вялізныя іканастасы для храмаў, дапамагаў з іх рамонтам і рэстаўрацыяй.
Царкоўныя іканастасы і хатнія рамы-кіёты, упрыгожваліся разнымі кветкамі ружы і яблыні, вінаграднымі гронкамі і дубовым лісцем, ператвараючы дамы мясцовых жыхароў у райскія сады, — у экспазіцыі эскізы і чарцяжы, разьба і асабістая гісторыя, а таксама мноства цікавостак кшталту «як гэта зроблена?!»
Экспанаты для гэтай выставы супрацоўнікі музея шукалі і збіралі больш за 30 гадоў.
На адкрыццё выставы ўваход вольны.
