З 29 снежня галерэя FARBA і ТАА «Культпрасвет» адкрылі новы выставачны праект «НейраБеларусь» — адну з самых інавацыйных мастацкіх выстаў у Мінску.
Экспазіцыя характэрна тым, што прадстаўленыя работы адлюстроўваюць бачанне Беларусі вачыма штучнага інтэлекту. Публіцы будзе прадэманстравана рэвалюцыйная калекцыя з больш як 90 работ, створаных нейрасеткамі, якія паказваюць беларускую прыроду, архітэктуру, кухню, міфалогію, гісторыю і шмат іншага.
Кульмінацыяй праекту стане імерсіўны фільм «Лічбавая эвалюцыя». Гэты фільм уяўляе сабой вобразнае пераасэнсаванне свету ідэй і свету матэрыі, вольнае мастацкае разважанне пра развіццё і эвалюцыю. Наведвальнікі змогуць цалкам пагрузіцца ў тое, што адбываецца вакол, дзякуючы праецыраванню фільма на сцены і падлогу мультымедыйнай залы.
Арганізатары таксама падрыхтавалі тэматычны квэст, які дазволіць у займальнай форме пазнаёміцца з экспазіцыяй, а кожны ахвочы зможа паслухаць падкаст па выставе проста са свайго смартфона.
Дата: штодня з 29 снежна да 31 сакавіка
Час: 12.00-21.00 (час мясцовы)
Месца: Галерэя FARBA, г. Мінск, пл. Свабоды, 8
Кошт білетаў:
14 руб. — дарослыя;
12 руб. — студэнты дзённай формы навучання;
10 руб. — пенсіянеры, навучэнцы школ, гімназій, ПТВ, ССНУ, шматдзетныя сем’і, інваліды III групы.
