У арт-прасторы «Талстога, 7» пачалі працу дзве выставы творчай дынастыі Кашкурэвічаў — выставы Алены Шыдлоўскай і Агніі Кашкурэвіч.
Дата: да 12 снежня
Месца: арт-прастора «Талстога, 7», вул. Талстога, 7, Віцебск
Выстава Алены Шыдлоўскай «Нячутныя крокі» — гэта жывапісныя і графічныя работы, а таксама рукапісы 1970-80-х гадоў. Творчая спадчына спадарыні Алены ўцалела толькі цудам — і цяпер гэта ўнікальнае адлюстраванне і сімвал моладзевага творчага асяроддзя 1970-х гадоў.
А на выставе Агніі Кашкурэвіч «Сублімацыя» можна пабачыць лаканічныя, вытанчаныя графічныя творы і мастацкія фотапрацы апошніх пяці гадоў.
Абедзьве выставы працуюць да 12 снежня.
