13 снежня ў Мінску адкрыецца чарговы фестываль дакументальнага кіно па правах чалавека WATCH DOCS Belarus. Слоган сёлетняга фестывалю – “Стаяць на сваім”.
Арганізатары запэўніваюць, што ў гэтым годзе будзе вельмі цікава:
“13-16 снежня мы пакажам шэраг крутых дакументальных стужак аб той глебе, стаяць на якой мы выбіраем – альбо выбіраюць за нас. Глебу каштоўнасцяў і перакананняў, што вызначаюць межы паміж людзьмі.
У праграме гэтага года:
аднаўленне справядлівасці на палях геапалітычных, гендарных, нацыянальнаарыентаваных і іншых бітваў;
сіла духу і знаходлівасць у вяртанні паўнвартаснага і годнага жыцця сабе і сваім блізкім;
пошук і вяртанне свайго чалавечага аблічча пасля зробленых памылак.
Асобную ўвагу мы аддамо інфармацыйнай прасторы – вынайдзенаму чалавецтвам інструменту, які сёння ў мностве выпадкаў валодае нашым разуменнем гуманнасці.
Сачыце за навінамі!”
Лоурэнс МакKёун
Сярод гасцей фестывалю – Лоурэнс МакKёун, Былы добраахвотнік Часовай Ірландскай рэспубліканскай арміі, а цяпер вядомы ірландскі пісьменнік, драматург, сцэнарыст.
Поўная праграма фестывалю тут. А падтрымаць праект фінансава вы можаце тут.
Паводле watchdocs.by
