У суботу, 16 верасня, у Суле — Яблык-фэст, свята яблыкаў з конкурсам на найлепшую шарлотку!
Дата: 16 верасня
Час: з 14.00
Месца: парк гісторыі Сула, Стаўбцоўскі раён
Узяць удзел можа кожны! Для гэтага дастаткова прыгатаваць шарлотку і прывезці яе на конкурс.
Лепшых кухараў вызначаць: па знешнім выглядзе шарлоткі, па смаку і па самай крэатыўнай назве. Пераможцу будзе падарунак.
А вось якая чакаецца праграма:
13.30 — 14.00 Закліканне на свята
14.00 — 14.10 Адкрыццё мерапрыемства
14.10 — 14.30 гульні і забавы ад вядоўцы
14.30 — 15.00 Конкурс на лепшую шарлотку ад гасцей. Падвядзенне вынікаў, ўзнагароджванне
15.00 — 15.20 — Старт квэста
15.30 — 15.40 пачатак выпякання двухмятровага пірага з яблыкамі на вогнішчы
15.40 — 16.00 Віктарына для ўдзельнікаў свята
16.00 — 16.10 Падвядзенне вынікаў віктарыны і ўзнагароджванне каманд
16.20 — 16.30 Падвядзенне вынікаў Квэста і ўзнагароджванне каманд
16.30 — 16.49 Сульскія музыкі
16.40 — 17.00 Майстар-клас па танцам
17.00 — частаванне святочным пірагом
Абяцаюць цудоўны настрой, добры гумор, здаровы гарт і смачны яблычны ўзвар для ўсіх ахвочых. І вядома, адмысловыя яблычныя імпрэзы, конкурсы, танцы ды нават добрае надвор’е!
Кошт уваходных квіткоў у парк Сула: дарослыя — 30 рублёў, сябры Сулы — 25 рублёў (каб стаць сябрам, падпішыцеся на адну з сацсетак Сулы), дзеці — 15 рублёў, дзеці да 7 гадоў — уваход вольны.
