У суботу, 4 лютага, ініцыятыва «Актыўнымі быць файна» разам з суполкай «Супер Мова» запрашае на новую сустрэчу моўнага гуртка «Штодзённая мова».
Дата: 4 лютага
Час: 15.00 (час мясцовы)
Месца: Pylimo g. 6 (уваход у жалезную браму), Вільня
Гэтым разам тэма дужа практычная ды надзённая — «Як перайсці на беларускую».
Вам не будуць расказваць, што беларуская мова ўзнікла натуральна і мае багатую гісторыю, што зусім нядаўна на ёй размаўляла абсалютная большасць насельніцтва Беларусі і г.д.
Затое вы даведаецеся, які ёсць профіт ад ужывання беларускай мовы дарослым і дзецям нават за мяжой — і атрымаеце карысныя парады, як пачаць гэта рабіць.
Вам нічога не спатрэбіцца — проста прыходзьце да нас у гурток. Гэтага першага кроку будзе дастаткова, каб пачаць.
Удзел бясплатны, толькі зарэгіструйцеся па спасылцы.
