Як змяніць беларускую адукацыю? Анлайн-семінар «Адукацыя і медыя: каго выклікаць да „дошкі“?»

Пачатак: 20.01 (14:00)
Канец: 20.01 (14:00)
ZOOM

Ініцыятыва «Беларуская адукацыя на шляху зменаў» заклікае сустрэцца анлайн і разам абмеркаваць праблемы беларускай адукацыі. Далучайцеся і прапануйце ідэі магчымых зменаў!

Дата: 20 студзеня

Час: 14.00 (час мінскі)

Месца: ZOOM

У фармаце варкшопа плануецца абмеркаваць прыярытэтныя змены ў сярэдняй і вышэйшай адукацыі, сабраць ідэі, як іх ажыццявіць, і абмяняцца досведам.

Арганізатары ўпэўнены, што абмеркаванне рэформаў варта пачынаць з нашых асабістых чаканняў, канкрэтных і прыкладных. Менавіта гэтыя наглядныя рэчы, з якімі сутыкаюцца вучні, іх бацькі, простыя настаўнікі і выкладчыкі, могуць дапамагчы экспертам і медыя стварыць новыя канцэпты і распрацаваць новыя адукацыйныя стратэгіі, абапіраючыся на нашыя каштоўнасці.

Мадэратар варкшопа і запрошаны спікер — медыяэксперт Галіна Малішэўская. За плячыма ў спадарыні Галіны 20-гадовы практычны досвед працы рэдактаркай і медыяменеджэркай. Яна працавала з адукацыйнай тэматыкай у якасці рэдактара газеты «Камсамольская праўда» з канца 1990-х да сярэдзіны 2000-х гадоў. Скончыла аспірантуру БДУ, МВА ВШЭ, працавала выкладчыцай і трэнеркай. У апошнія гады — медыяэксперт і кансультант па стратэгічным планаванні і кіраванні.

Удзел у мерапрыемстве бясплатны.

Рэгістрацыя па спасылцы.