28 красавіка літаратурны музей Янкі Купалы запрашае на адкрыццё выставы «За шчасця лепшага вясну...», прысвечанай жыццю і творчасці Янкі Купалы ў гады Вялікай Айчыннай вайны.
Дата: 28 красавіка
Час: 18.30
Месца: літаратурны музей Янкі Купалы, вул. Янкі Купалы, 4, Мінск
У экспазіцыі можна пабачыць творы мастакоў, асабістыя рэчы паэта, аўтографы вершаў і публіцыстыкі Янкі Купалы часоў Вялікай Айчыннай вайны. Дакументы і фотаздымкі ўзновяць няпросты шлях паэта на апошнім этапе яго зямнога жыцця, які прыпаў на ваенны час.
Для гасцей вечара падрыхтавана куратарская экскурсія.
На адкрыццё ўваход вольны.
Выстава працуе па 10 траўня.
