У чацвер, 17 лістапада, Беларускі Моладзевы Хаб ладзіць новую сустрэчу з праграмы адаптацыі жанчын з Беларусі ў Польшчы «ЯЁсць», дзе вас падтрымаюць у розных складаных пытаннечках інтэграцыі ды не дадуць разгубіцца.
Дата: 17 лістапада
Час: 18.00 (час мясцовы)
Месца: Беларускі Моладзевы Хаб, пляц Канстытуцыі, 6, Варшава
Гэтым разам сустрэча будзе прысвечана псіхалогіі, а яшчэ дакладней — агрэсіі.
Мы, людзі, самы агрэсіўны від на планеце. Гаворка пойдзе пра тое, добра гэта ці дрэнна. Калі, у якой форме і ў якім выглядзе яна (не)прымальная. І што з ёю рабіць, калі агрэсію праяўляеце вы і калі яе праяўляюць у дачыненні да вас. І для чаго яна можа быць карысная.
Удзел бясплатны, трэба толькі зарэгістравацца па спасылцы.
