«Жывая бібліятэка». Дзень правоў чалавека
Пачатак: 11.12 (12:00)Канец: 11.12 (14:30)
Zoom
11 снежня Суполка «Жывая Бібліятэка» сумесна з валанцёрскай ініцыятывай народнай адукацыі @abf.lithuania запрашае вас наведаць Жывую Бібліятэку, прысвечаную Дню правоў чалавека! Ужо не першы год мы ладзім нашыя мерапрыемствы з гэтай нагоды і спадзяемся не спыняцца і ў будучым.
Дата: 11-га снежня.
Час: 12.00-14.30.
Месца: Zoom.
Рэгістрацыя на мерапрыемства абавязковая па спасылцы. Канец рэгістрацыі — 10 снежня а 23:59.
Раніцай у дзень мерапрыемства зарэгістраваныя Чытачы і Чытачкі атрымаюць на e-mail спасылку на ZOOM-канферэнцыю.
Што такое Жывая Бібліятэка? Гэта фармат, дзе ў якасці Кніг выступаюць людзі, якія распавядаюць пра свой уласны досвед, звязаны з пэўнай ідэнтычнасцю, рэдкай прафесіяй, нязвыклым для «большасці» ладам жыцця альбо светапоглядамі. Мэта Жывых Бібліятэк — барацьба са стэрэатыпамі і дыскрымінацыяй.
На мерапрыемстве ў вас будзе магчымасць шчыра пагутарыць з Кнігамі на актуальныя тэмы, задаць свае пытанні і стаць больш адкрытымі да разнастайнасці грамадства. У гэтым годзе вы зможаце паслухать наступныя Жывыя Кнігі: «Праца ў праваабароне», «Транс*персона», «Правы чалавека», «Вымушаная міграцыя».
Жывая Бібліятэка прысвечана Дню правоў чалавека — 10 снежня. Менавіта ў гэты дзень у 1948 годзе Генеральнай Асамблеяй ААН была прынятая Усеагульная дэкларацыя правоў чалавека, а статус свята гэтаму дню быў нададзены праз 2 гады — у 1950 годзе.
