У Цэнтры Беларускай Салідарнасці з’явіцца новая прастора беларускай кнігі — кнігарня, створаная ў партнёрстве з фондам «Камунікат», адным з ключавых незалежных выдавецкіх і культурных праектаў, які займаецца захаваннем і распаўсюджваннем беларускай літаратуры. Пра адкрыццё кнігарні паведаміў Яраслаў Іванюк на сваёй старонцы ў Фэйсбук.
«Імёны Свабоды» Уладзіміра Арлова, «Зэкамерон» Максіма Знака, «Ліквідацыя» Васіля Быкава — гэтыя і многія іншыя кнігі ўжо зусім хутка можна будзе набыць у Варшаве ў ЦБС.
Дзе і калі?
Дата адкрыцця: 29 красавіка а 17:30
Уваход вольны
Сярод гасцей:
- Уладзімір Арлоў — класік беларускай літаратуры
- Яраслаў Іванюк — заснавальнік фонду «Камунікат»
- Прадстаўнікі іншых выдавецтваў
У вечар адкрыцця:
- сустрэча з аўтарамі, выдаўцамі і прадстаўнікамі незалежных выдавецтваў;
- размовы пра беларускую літаратуру, кніжную культуру і сучасныя тэксты;
- магчымасць наўпрост пазнаёміцца з тымі, хто стварае і выдае беларускія кнігі.
Кнігарня Kamunikat.org ЦБС — гэта не проста крама, а новая кропка прыцягнення беларускай культуры ў Варшаве.
Калі вы працуеце ў Літве, вы можаце падтрымаць «Будзьма беларусамі!», пералічыўшы нам 1,2% ад сваіх падаткаў. Вам уласна гэта не будзе каштаваць анічога.
