«Зімовыя забавы» ў Строчыцах

Беларускі дзяржаўны музей народнай архітэктуры і побыту запрашае вас на культурна-масавае мерапрыемства «Зімовыя забавы».

Зіма – гэта чароўны час, калі мы ўсе дазваляем сабе пабыць крыху дзецьмі, зляпіць снежную бабу, пагуляць у снежкі, пакатацца на каньках, лыжах ці санках. Жадаеце незабыўна правесці час, паўдзельнічаць у займальных гульнях? Тады хутчэй да нас у музей. Наперад, за новымі ўражаннямі!

У гэты дзень будзе прадстаўлена наступная праграма:

• Беларускія народныя гульні;
• Конкурсы і розыгрышы прызоў;
• Разнастайныя майстар-класы;
• Выстава школьнага спартыўнага абсталявання XIX – XX стст.;
• Падвядзенне вынікаў акцыі «Дзень сэлфі ў музеі» (#БеларускіСкансен; #museumselfie);
• Катанне на санках;
• Музейная «этналыжня» (пры наяўнасці ўласнага лыжнага рыштунку).

Таксама на мерапрыемстве можна будзе сагрэцца гарачай гарбатай, паслухаць народную музыку, прыняць удзел у танцах разам з музычным калектывам «Жвавы карчмар».

Пад час мерапрыемства за дадатковую плату можна:

– набыць сувеніры ад народных майстроў;

– наведаць «Беларускую карчму», якая знаходзіцца на тэрыторыі музея.

Запрашаем прыняць удзел у культурна-масавым мерапрыемстве

 «Зімовыя забавы» на тэрыторыі музея!

28 студзеня 2017 года

з 13:30 да 15:00

Кошт квіткоў:

• для дарослых – 5.50 руб.;
• для студэнтаў – 4.00 руб.;
• для пенсіянераў – 4.00 руб.;
• для дзяцей школьнага ўзросту – 3.00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля в.Азярцо

Праезд ад аўтастанцыi «Паўднёва-Заходняя» аўтобусам 170э у накірунку «Заходнія могілкі», а таксама прыгараднымі аўтобусамі ў накірунках: Мiнск –Дубянцы, Заходнія могілкі, Чыкі.