Учора была прынята новая рэдакцыя Кодэкса аб адукацыі. Згодна яму, у краіне ўводзіцца абавязковая сярэдняя адукацыя. Якія яшчэ новаўвядзенні ў новай рэдакцыі Кодэкса, якая набудзе моц у 2023 годзе?
Абавязкова вучыцца 11 класаў і новыя формы ільготаў
У новай рэдакцыі Кодэкса прадугледжваецца абавязковае атрыманне агульнай сярэдняй адукацыі, гэта азначае, што цяпер школьнікі мусяць вучыцца 11 класаў, раней было 9. Пасля завяршэння навучання адбудзецца экзаменацыйная атэстацыя па некаторых прадметах, калі экзамены здадзены паспяхова – вучань атрымлівае дыплом.
З’явіцца новы від дадатковай адукацыі для адораных дзяцей і моладзі, на базе Нацыянальнага дзіцячага тэхнапарка.
Цяпер ільготы для паступлення ў ВНУ змогуць атрымаць выпускнікі спартова-педагагічных, вайскова-патрыятычных класаў, удзельнікі і пераможцы агульнарэспубліканскіх алімпіяд і навучэнцы Нацыянальнага дзіцячага тэхнапарку.
Паступленне ў ВНУ праз школьныя экзамены і павелічэнне колькасці мэтавікоў
З 2023 года змяняецца форма паступлення ў ВНУ. Паступіць можна будзе па сертыфікатах выпускных экзаменаў.
Дыстанцыйнае навучанне будзе лічыцца самастойнай формай атрымання адукацыі.
Па асобных тэхнічных і медыцынскіх спецыяльнасцях уводзіцца адмысловая вышэйшая адукацыя.
Згодна новаўвядзенням, каб пачаць навучацца на завочнай форме або ў вячэрняй школе, трэба будзе спачатку папрацаваць па ўжо абранай спецыяльнасці.
Павялічваецца колькасць «мэтавікоў» – гэта студэнты, якія атрымліваюць адукацыю за кошт пэўнай арганізацыі ці прадпрыемства. Пасля атрымання адукацыі малады спецыяліст абавязкова мусіць адпрацаваць на гэтым прадпрыемстве 5 год. Колькасць мэтавікоў плануюць павысіць па медычнай спецыяльнасці да 80%, па сельскагаспадарчых спецыяльнасцях — да 70%, па іншых спецыяльнасцях да 60%.
