Грамадская культурніцкая кампанія «Будзьма беларусамі!», Цэнтр даследавання грамадскага кіравання “СІМПА”  і мясцовы дабрачынны фонд «Спадчына Міхала Клеафаса Агінскага»  у рамках акцыі «Разам да справы!» запрашаюць актыўных і крэатыўных жыхароў Маладзечанскага рэгіёна прыняць удзел у адукацыйнай майстэрні ідэй «Ліхтар».

Майстэрня ідэй «Ліхтар» – гэта серыя сустрэч і майстар-класаў, падчас якіх удзельнікі пазнаёмяцца з лепшымі практыкамі па арганізацыі гарадскіх (і не толькі) падзей, атрымаюць неабходныя  веды ў сферы культурніцкага менеджменту і карысныя парады па рэалізацыі сваіх ідэй.

Майстэрня запрашае ўдзельнікаў без узроставых абмежаванняў, тых, хто хоча зрабіць свой горад ці вёску больш утульнымі, цікавымі і прывабнымі.

Заняткі ў майстэрні будуць праходзіць двойчы на месяц, па выходных. Працягласць курса – 3 месяцы. Падчас навучання ўдзельнікі майстэрні распрацуюць свае праекты па паляпшэнню мясцовага жыцця. Самыя цікавыя і актуальныя ідэі атрымаюць дапамогу ў рэалізацыі.

Колькасць удзельнікаў абмежавана. Каб прыняць удзел у адборы і  далучыцца да майстэрні, неабходна запоўніць анлайн-анкету. Удзел у занятках бясплатны.

Дэдлайн падачы заявак  – 16 сакавіка 2018 г. Першы занятак адбудзецца ў нядзелю,

18 сакавіка, месца і час будуць аб’яўлены дадаткова.

Удзел у занятках бясплатны.

Па ўсіх пытаннях звяртайцеся па адрасе  likhtar2018@gmail.com  ці па тэл. +375297121803 (Святлана Чакушка)

Суполкі ў FB і VK

Пры падтрымцы Маладзечанскага дзяржаўнага музычнага каледжа імя М.К. Агінскага і адукацыйнага цэнтра “Адкрытая прастора”