Каманда анімацыйнай студыі «Воблака» на працягу 6 месяцаў працавала над стварэннем дзіцячага мультсерыяла на беларускай мове для відэасэрвісу VOKA.
«Намі было створана 4 серыі, агульным хранаметражам каля 21 мін.
Мультсерыял апавядае пра неверагодныя прыгоды вясёлай беларускай дзяўчынкі Марылі з вельмі багатай фантазіяй.
За аснову сюжэту была ўзята беларуская народная казка, сюжэт якой у працэсе быў перапрацаваны на 90 працэнтаў.
Вывучана вялізная колькасць казачнай, гістарычнай і міфалагічнай літаратуры Беларусі, каб беражліва інтэрпрэтаваць легенды і ўнесці ў нашу распрацоўку», — напісала каманда студыі «Воблака».
Серыял даступны на афіцыйным сайце VOKA для бясплатнага прагляду па спасылцы пасля рэгістрацыі.
