Беларуская мовазнаўца, старшыня Таварыства беларускай мовы імя Францішка Скарыны (2017–2021) выказалася ў фэйсбуку наконт расейскага ўварвання ва Украіну.
«Я, грамадзянка Беларусі, заяўляю, што для мяне існуе адна Канстытуцыя — Канстытуцыя Рэспублікі Беларусь 1994 года.
Я падтрымліваю і настойваю на нейтральным і без’ядзерным статусе нашай краіны.
Я асуджаю вайну, якая сёння вядзецца супраць Украіны.
Я асуджаю прысутнасць расійскіх войск на нашай тэрыторыі.
Я выступаю за тое, каб кіраўніцтва нашай краіны перастала рабіць з Беларусі прахадны двор і я супраць таго, каб з нашай тэрыторыі ляцелі і паўзлі смертаносныя грузы.
Я выступаю за тое, каб перасталі рабіць з маладых салдат гарматнае мяса, адбіраючы ў іх будучыню і жыццё.
Я настойваю на тым, каб войскі РФ пакінулі тэрыторыю Беларусі. Я настойваю на тым, каб беларускія войскі не пакідалі межы краіны.
Гэта мая грамадзянская пазіцыя, якую я заяўляю адкрыта і публічна».
